Президенттің Жолдауы


Мемлекеттiк рәмiздер


100 нақты қадам


ҚАЗАҚСТАН — ҰЛЫ ДАЛА ЕЛІ










«Павлодар облысының туризмді және спортты дамыту жөніндегі басқармасы» мемлекеттік мекемесі «Павлодар қаласындағы жабық жеңілатлетикалық манежді салу және пайдалануға беру» мемлекеттік-жекешелік әріптестік жобасы бойынша жекеше әріптесті анықтау бойынша қайта конкурсты жариялайды.

Жобаны іске асыру талаптары:

МЖӘ жобасын іске асыру кезеңі: жабық жеңілатлетикалық манеждің құрылысы –18 айдан артық емес (1,5 жыл). Жабық жеңілатлетикалық манежді техникалық ұстау және пайдалану – 42 ай (3,5 жыл).

МЖӘ жобасының құны: ҚҚС-ын ескере отыра, 5 969 514 мың теңге.

МЖӘ объектісінің орналасқан орны: Қазақстан Республикасы, 140000, Павлодар облысы, Павлодар қ., Солтүстік өндірістік аймақ. Жекеше әріптесті анықтау тәсілі: ҚР «МЖӘ туралы» Заңының 31, 35-баптарына сәйкес конкурс арқылы жоспарланған.

Жобаның техникалық параметрлері: «Павлодар қаласындағы жабық жеңілатлетикалық манежді салу және пайдалануға беру» МЖӘ жобасының конкурстық құжаттамасында ұсынылған.

Конкурсқа қатысуға өтінімдерді (белгіленген үлгідегі) Әлеуетті Жекеше әріптестер не олардың уәкілетті өкілдері Конкурсты ұйымдастырушыға қолма-қол немесе Қазақстан Республикасы, Павлодар облысы, Павлодар қ., 1 Май көш., 170-үй мекенжайы бойынша тапсырысты пошта байланысын пайдалану арқылы ұсынады.

Конкурстық өтінімдерді ұсынудың соңғы мерзімі: 2019 жылғы 1 қазанда, 16 сағат 00 минут.

Конкурстық құжаттаманың көшірмесін жұмыс күндері сағат 9.00-ден бастап 13.00-ге дейін және 14.30-ден бастап 18.30-ге дейін Қазақстан Республикасы, Павлодар облысы, Павлодар қ., 1 Май көш., 170-үй мекенжайы бойынша алуға болады.

Байланысушы тұлға: Т.В. Олифирович

Телефондар: 8 (7182) 61 – 93 – 64,  66 – 00 — 80

Конкурсқа қатысуға тілек білдірген Әлеуетті жекеше әріптестер ұсынылатын біліктілік талаптарына сәйкестігін растайтын құжаттарды ұсынуы тиіс, осының негізінде 2019 жылғы 26 қыркүйекте 16 сағат 00 минутқа дейінгі мерзімде конкурстық өтініммен бірге біліктілікті іріктеу жүргізілетін болады.

Павлодар облысының туристік мүмкіндіктерінің «Туризм PVL-2019» өңірлік көрмесі

7 қыркүйекте Павлодар қаласында Павлодар облысында туристік мүмкіндіктердің «Туризм PVL-2019» өңірлік көрмесі және «Ертіс думаны»іс-шарасы өтті. Өз туристік мүмкіндіктерін облыстың барлық қала мен аудандары, сондай-ақ, Баянауыл ұлттық мемлекеттік табиғи паркі, «Ертіс орманы» табиғи резерваты, облыстың туристік ұйымдары көрсетті. Көрме қонақтары-Алтай өлкесі (РФ), Батыс Қазақстан, Шығыс Қазақстан және Қостанай облыстары.

Іс-шара аясында 3 күндік шлюпкалы ағызу, концерттік бағдарлама, қолөнершілер жәрмеңкесі, суретшілер пленэрі және кемелер шеруі өтті.

«Туризм PVL-2019» өңірлік көрмесі облыстың тартымды туристік имиджін қалыптастыруға, туристік саладағы іскерлік және серіктестік байланыстарды дамытуға және кеңейтуге, қатысушылар арасында тәжірибе және жаңа идеялармен алмасуға ықпал ететін өңір үшін маңызды оқиға болып табылады

2018 жылғы 14 желтоқсанда Қазақстан Республикасының Тәуелсіздігі күні қарсаңында Естай атындағы қалалық мәдениет сарайында еліміздің дамуына, соның ішінде, дене шынықтыру мен спортты дамытуға қомақты үлес қосқан павлодарлықтарды салтанатты құттықтау өтті

20181214_152246 20181214_154146

Қазақстан Республикасы Президентінің Жарлығымен «Құрмет» орденімен бокс бойынша КСРО-ң халықаралық дәрежедегі спорт шебері, АИБА халықаралық санатындағы төрешісі, Қазақстан Республикасының еңбегі сіңген жаттықтырушысы Елеусіз Фазылұлы Дүйсеков марапатталды.

Облыс әкімінің өкімімен «Облыс алдындағы еңбегі үшін» белгісімен жүзу бойынша Қазақстан Республикасының еңбегі сіңген жаттықтырушысы, Қазақстан Республикасының құрметті спорт қайраткері, жүзу бойынша республикалық санаттағы төреші Лев Лазаревич Акопов марапатталды.

Облыс әкімінің қаулысымен, алғыс хатпен Павлодар облысы дене тәрбиесі және спорт басқармасының іс жүргізу жөніндегі инспекторы Айжан Мұратханқызы Копеева марапатталды.

20181214_164442 20181214_164921
20181214_154159

Павлодар облысы дене тәрбиесі және спорт басқармасының қорытынды алқасы

20181206_171634

2018 жылғы 6 желтоқсанда сағат 17.00-де Шахмат үйінде (Естай көшесі, 83) облыс әкімінің орынбасары М.М. Бегентаевтың төрағалығымен облыс дене тәрбиесі және спорт басқармасының қорытынды алқасы өтті.

“Облыс дене тәрбиесі және спорт басқармасының 2018 жыл ішіндегі жұмыс қорытындылары мен 2019 жылға арналған міндеттері туралы” баяндамасымен басқарма басшысы Марат Сұлтанбекұлы Айдашев сөз сөйледі.

Алқа жұмысына қала мен аудан әкімдерінің әлеуметтік мәселелер жөніндегі орынбасарлары, облыстық басқарма басшылары, қала мен аудан дене шынықтыру және спорт бөлімдерінің басшылары, басқармаға ведомстволық қарасты ұйым басшылары, алуан спорт түрлері бойынша федерация өкілдері, кәсіби спорт клубтарының басшылары және спорттық жұртшылықтың өзге өкілдері қатысты.

Алқа отырысы барысында 2018 жыл ішіндегі жұмыс қорытындыланды, сұрақтар қойылып, тапсырмалар берілді, сонымен қатар, 2019 жылға арналған міндеттер анықталды.

20181206_17153920181206_171555

 

2018 жылғы 29 қарашада Павлодар облысының әкімі Б.Ж. Бақауовтың тапсырмасы бойынша Қазақстан Республикасының Тұңғыш Президенті күнін мерекелеу қарсаңында Павлодар облысының дене тәрбиесі және спорт басқармасы облыс спорт жұртшылығының атынан ҰОС ардагерлері Дмитрий Николаевич Кузнецов пен Аиб Нұрғалиевты келе жатқан мерекемен құттықтап, сыйлық ретінде гүл мен азық-түлігі бар себетті ұсынды.

on4q1k7onfM IMG-20181130-WA0009

_DSC0572

46128033_764853900519471_9053398001575492815_n

Дмитрий Николаевич Кузнецов пен Аиб Нұрғалиев спорт жұртшылығының назарына шын жүректен тәнті болды, солдаттың күнделікті өмірі, қиыншылықтары мен жеңіс шаттығы туралы әңгімеледі. Ардагерлер алғыс айтып, алдағы болатын мерекемен құттықтауларды қабылдады және аталық жылылықпен келген қонақтарға денсаулық тіледі, сондай-ақ, Қазақстан Республикасының Президенті Н.Ә. Назарбаевтың атына денсаулық пен ұзақ ғұмыр тілектерін білдірді.

Павлодар облысының әкімі Болат Бақауовтың ОКҚ-дегі баспасөз конференциясы

Астана қаласындағы Орталық коммуникациялар қызметінің алаңында Павлодар облысының әкімі Болат Бақауовтың қатысуымен, Елбасының Қазақстан халқына Жолдауын жүзеге асыру шеңберінде Павлодар облысының 2018 жылғы 10 ай ішіндегі әлеуметтік-экономикалық даму қорытындыларына арналған баспасөз конференциясы өтті.

Брифинг барысында облыс әкімі Б.Ж. Бақауов спорттық инфрақұрылымды дамыту мәселелерін сөз етті, мысалы, Елбасының спорттық инфрақұрылымды дамыту жөніндегі жолдауы аясында 2019 жылы облыста 4 дене шынықтыру-сауықтыру кешендері пайдалануға берілетін болады.

Бір қадамдық қолжетімділіктің спорт объекттері – толық өлшемді алаңдар (4), спорт алаңдары (14), хоккей корттары (2) салынуда.

Облыс орталығында бюджеттен тыс қаражат есебінен Тәуелсіздік күніне орай, 50 метрлік жүзу бассейні тапсырылатын болады, Мұз аренасының құрылысы жүргізіліп жатыр.

Усолка өзенінің жайылмалық бөлігінде құрамына биатлон және триатлон тас жолдары енетін, қоғамдық-спорттық аймағының даму жоспары пысықталуда.

МЖӘ саласы бойынша үш ірі жоба – жабық жеңілатлетикалық манеж бен футбол манеждерінің, олимпиадалық резервті даярлау орталығының салынуы жоспарланған.

«Ұлы Даланың Жеті қыры»

Нұрсұлтан Назарбаевтың «Ұлы Даланың Жеті қыры» атты жаңа мақаласы жарыққа шықты. Мақалада Президент қазақстандық тарихты зерттеуге және Қазақстанның мәдени мұрасын танымал етуге бағытталған алты жаңа ірі жобаларды жариялады. Бастамалар «Рухани жаңғыру» бағдарламасының логикалық жалғасы ретінде қарастырылады.

«Ұлы Даланың Жеті қыры» мақаласы Қазақстанның халықаралық аренадағы жаңа түсінігінің ілгерілуіне, ұлттық тарихты тереңдетіп зерттеуге, сонымен қатар, заманауи Қазақстанның аумағында көптеген ғасырлар бұрын болып өткен маңызды уақиғаларына оң көзқарасты қалыптастыруға ықпалын тигізеді.

Мемлекет басшысының «Ұлы даланың жеті қыры» атты мақаласы

Экология жылы шеңберінде Қазақстан және ТМД елдері туристері достығының «Ертіс меридианы – 2018» атты ХХХ-шы ашық облыстық өңіраралық слетін өткізу туралы ақпарат

Экология жылы шеңберінде Қазақстан және ТМД елдері туристері достығының «Ертіс меридианы – 2018» атты ХХХ-шы ашық облыстық өңіраралық слетіне Қазақстан Республикасы мен Ресей Федерациясының келесі өңірлерінен келген 12 команда қатысты:

1. Омбы қ. «ОДЮЦТиК» (Ресей Федерациясы)
2. Астана қ. «Астана — Жігер»
3. Ақмола облысы «Фирн»
4. Семей қ. (ШҚО) «Орион»
5. Қарағанды облысы «Созвездие»
6. Рудный қ. (Қостанай облысы) «Внедорожник»
7. Қызылорда қ. (Қызылорда облысы) «Вершина»
8. Петропавловск қ. (СҚО) «Северный ветер»
9. Шымкент қ. «Олимп»
10. Павлодар қ. «Пирамида»
11. Екібастұз қ. «ЗЮВС»
12. Баянауыл ауданы «Вершина».

Слеттің спорттық бағдарламасына үш қашықтық енді:
а) «Командалық» қашықтығы
б) «Туристік эстафета» жеке-командалық қашықтығы
в) «Жеке-командалық» қашықтығы.

Конкурстық бағдарламаға үш байқау енді:
фотосуреттер байқауы;
туристік ән байқауы;
“Әккі турист” байқауы (есептен тыс).

Слет қорытындылары бойынша жарыс жеңімпаздары мен жүлдегерлері анықталды. Жалпыкомандалық есепте орындар келесідей бөлінді:
1. «Созвездие» командасы (Қарағанды облысы)
2. Екібастұз қ. «ЗЮВС» (Павлодар облысы)
3. Павлодар қ. «Пирамида» (Павлодар облысы)

«Павлодар облысының дене тәрбиесі және спорт басқармасы» ММ Павлодар облысының әкімдігі, Павлодар облысы дене тәрбиесі және спорт басқармасының «Футбол бойынша «Ертіс» олимпиадалық резервтің мамандандырылған балалар – жасөспірімдер мектебі» коммуналдық мемлекеттік қазыналық кәсіпорны басшысының бос лауазымын иеленуге конкурс жариялайды

«Футбол бойынша «Ертіс» олимпиадалық резервтің мамандандырылған балалар – жасөспірімдер мектебі» КМҚК-ң орналасқан орны: Қазақстан Республикасы, 140000, Павлодар облысы, Камзин көшесі, 39/3-үй,                                тел. 8(7182) 617511.

Лауазымдық міндеттері: қабылданатын шешімдердің кейінгі салдарына, ұйымның мүлкін сақтау мен тиімді пайдалануға, сондай-ақ оның қызметінің әкімшілік-шаруашылық нәтижелеріне жауап бере отырып, ұйымның өндірістік, шаруашылық және қаржы-экономикалық қызметіне басшылық жасайды, оқу-жаттығу және тәрбиелік процестерде спорттық-әдістемелік және материалдық-техникалық базаны ұйымдастырады және жетілдіреді.

Біліктілігіне қойылатын талаптар: «Педагогика», «Құқықтану», «Экономика» мамандықтарының біреуі бойынша жоғары (немесе жоғары оқу орнынан кейінгі) білімі;   басшылық лауазымдағы жұмыс өтілі кемінде 5 жыл немесе спорт және дене шынықтыру саласында кемінде 5 жыл жұмыс тәжірибесінің болуы.

Конкурсқа қатысуға жіберілген үміткерлер конкурсқа қатысуға жіберілген тұлғалар тізімін бекіткен соң, он күнтізбелік күн ішінде Павлодар қ., 1 Май көшесі, 170-үй, 302-кабинет мекенжайы бойынша «Павлодар облысының дене тәрбиесі және спорт басқармасы» ММ-нде белгіленген ретте әңгімелесуден өтеді.

           Конкурсқа қатысу үшін қажетті құжаттар: конкурсқа қатысу туралы өтініш, мемлекеттік және орыс тілдерінде түйіндеме, еркін нысанда жазылған өмірбаян, ко білімі туралы құжаттардың көшірмелері; еңбек кітапшасының (ол болған кезде) немесе еңбек шартының көшірмесі не соңғы жұмыс орнынан жұмысқа қабылданғаны және еңбек шартының тоқтатылғаны туралы бұйрықтардың көшірмелері, Қазақстан Республикасы Денсаулық сақтау министрі міндетін атқарушысының 2010 жылғы 23 қарашадағы № 907 бұйрығымен бекітілген нысан бойынша денсаулық жағдайы туралы анықтама.

Конкурсқа қатысушы өзінің біліміне, жұмыс өтіліне, кәсіби даярлық деңгейіне қатысты қосымша ақпаратты (біліктілігін арттыру, ғылыми дәрежелер мен атақтар беру, ғылыми жарияланымдар туралы құжаттардың көшірмелері, сондай-ақ бұрынғы жұмыс орнының басшылығынан ұсынымдар және т.с.) бере алады.

      Құжаттар БАҚ-нда конкурсты өткізу туралы хабарландыруды жариялаған күннен бастап, 15 күнтізбелік күн ішінде 140003, Павлодар қ., 1 Май көшесі, 170-үй, 309-кабинет (3-қабат) мекенжайы бойынша ұсынылуы тиіс, байл. тел. 8(7182) 619382.

БАСПАСӨЗ ХАБАРЛАМАСЫ

Спорттық-бұқаралық іс-шаралардың 2018 жылға арналған Бірыңғай республикалық күнтізбесінің негізінде, 2018 жылғы 10-15 тамыз аралығында шаңғы жарысы бойынша кіші (2003-2004 жж.т.), орта (2001-2002 жж.т.) және ересек жастағы (1999-2000 жж.т.) жасөспірімдер мен қыздар арасында Қазақстан Республикасының жазғы чемпионаты жоспарланған.

Жарыстардың бас төрешісі – Е.А. Кисляков (Павлодар, ЖСҰТ)

Бас хатшы – О. Веселова (Риддер, ЖСҰТ).

Жарыстардың бағдарламасы
10 тамыз ресми жаттығу

«Зеленая роща» шаңғы базасы

сағат 10-00-12-00
10 тамыз Команда капитандарының отырысы (дене тәрбиесі және спорт басқармасының мәжіліс залы, 1 Май көш., 170-үй, 3-қабат) сағат 17.00-де
11 тамыз Жарыстардың салтанатты ашылуы сағат 09.15-те
11 тамыз Кросс (кіші, орта, ересек жастағы)

«Зеленая роща» шаңғы базасы

сағат 09.30-14.00
12 тамыз Шаңғы роллер, жеке жарыс, еркін жүріс (орта және ересек жастағы)

«Зеленая роща» шаңғы базасы

сағат 09.30-13.00
13 тамыз Шаңғы роллер, жеке жарыс, еркін жүріс (кіші жастағы)

«Ертіс» шаңғы базасы (Усолка ш.а.)

сағат 09.30-12.00
14 тамыз Шаңғы роллер, жеке жарыс, еркін жүріс (орта және ересек жастағы)

«Зеленая роща» шаңғы базасы

сағат 09.30-13.00
15 тамыз Шаңғы роллер, жеке жарыс, еркін жүріс (кіші жастағы)

«Ертіс» шаңғы базасы (Усолка ш.а.)

сағат 09.30-12.00

«Ұлы дала елі» бойынша ақпарат

2018 жылғы 3-5 тамыз аралығында Павлодар қаласында Ертіс өзенінің сол жағалауында Астана тас жолының оң жағында Қазақстан Республикасының Президенті – Ұлт көшбасшысы Н.Ә. Назарбаевтың «Болашаққа бағдар: рухани жаңғыру» атты бағдарламасын іске асыру шеңберінде «Ұлы Дала Елі» фестивалі өтеді.

Фестиваль аясында 100-ден аса киіз үйден тұратын этноауыл орнатылады және келесідей спорттық-бұқаралық іс-шаралар мен үлгілік өнер көрсетулер өтеді:

5 ұлттық және 3 халықтық спорт түрі бойынша жарыстар, соның ішінде, аударыспақ, теңге алу, қазақ күресі, асық ату, тоғызқұмалақ, тас көтеру, гір спорты мен армрестлинг.

Қазақ күресі бойынша жарыстар екі салмақ дәрежесінде 23 жасқа дейінгі жастар арасында өтеді.

Аударыспақ бойынша жарыстар 80 келіге дейін және 80 келіден астам екі салмақ дәрежесінде өткізілетін болады.

Сонымен қатар, көкпар, жамбы ату мен қыз қуу атты үш түрі бойынша үлгілік өнер көрсетулер.

Жарыстарға қала мен аудан спортшылары, сонымен қатар, облысымыздың қонақтары қатысады.

Спорт түрлері бойынша жеңімпаздар мен жүлдегерлер ұсақ қара малмен, грамоталармен және медальдармен марапатталатын болады.

Құрметті кәсіпкерлер!

Павлодар облысының әкімдігі «Қалқаман-Баянауыл-Ульяновка» республикалық автомобиль жолы бойымен Баянауыл ауданы Мырзашоқы тауының бөктеріндегі тау-шаңғы кешенінің аумағында туристік индустрия объекттерін дамыту үшін кәсіпкерлерді іздестіру жүргізіліп жатқандығын Сізге хабарлаймыз.

Объектті ұстау, жалға беру, қоғамдық тамақтану, ойын-сауық және демалыс, тұрғын үй құрылымы мен т.б. пункттерін ұйымдастыру бойынша қызметті іске асыру қажет.

Осыған орай, аталған ақпаратты назарға алып, мүдделі болған жағдайда, 32-49-94, 53-95-73, 32-95-07 (Павлодар облысының кәсіпкерлік, сауда және туризм басқармасы), 65-12-00, 65-11-36 (Инвестицияларды тарту жөніндегі агенттігі), 61-94-00 (Павлодар облысының дене тәрбиесі және спорт басқармасы), 65-03-05, 62-02-31-62-02-46 телефондарына («Павлодар» «ӘКК» ҰК» АҚ).

Ақпарат

Қазақстан Республикасының Президенті – Ұлт көшбасшысы Н.Ә. Назарбаевтың Жолдауын іске асыру мақсатында 2018 жылғы 11-13 мамыр аралығында Май ауданының Қаратерек ауылында Ұлы Отан соғысының ардагері Хасен Сейітқазинді еске алуға арналған ат спортының көкпар, аударыспақ, теңге ілу атты ұлттық түрлерінен ересектер арасында Павлодар облысының чемпионаты өтті.

Көкпар бойынша облыс чемпионаты командалардың сапқа түзілуімен салтанатты түрде ашылды. Чемпионатқа барлығы 7 команда қатысты. Бұл Екібастұз қаласы Ақкөл ауылының «Пырақ» командасы, Павлодар қаласынан келген команда, Баянауыл ауданының «Қызылтау» командасы мен Май ауданы Саты, Қаратерек, Ақшиман және Жұмыскер ауылдарының командалары.

Көкпардан жарыс қорытындылары бойынша бірінші орын Май ауданы Саты ауылының командасына, екінші орын Екібастұз қаласы Ақкөл ауылының «Пырақ» командасына және үшінші орын Баянауыл ауданының «Қызылтау» командасына берілді. Сонымен қатар, аударыспақ пен теңге ілу бойынша облыс чемпионатының жеңімпаздары мен жүлдегерлері марапатталды.

Көкпар, теңге ілу, аударыспақ бойынша жарыстардың жоғарыда аталған жеңімпаздары Қазақстан Республикасының чемпионатында Павлодар облысының намысын қорғайтын болады.

Сегізінші жыл қатарынан Қазақстанда «Қазақстан Барысы» жобасы жүзеге асырылуда

Жыл санап жобаның қарқыны күшейіп, көрермендерінің саны артып келеді. «Қазақстан Барысы» атағын иелену қазақстандық спортшылар үшін Олимпиада чемпионы атағын иелену секілді мәртебе. Төрт кезеңнен тұратын жобаға 100 мыңнан астам балуан қатысып, 9 мыңнан астам жанкүйер, 2 миллионнан астам көрермен тамашалайды.

2018 жылғы 30 сәуірде Павлодар қаласында қалалық және аудандық жарыстардың жеңімпаздары мен жүлдегерлері арасында қазақ күресінен «Павлодар барысы» облыстық жарыстарының үшінші кезеңі өткізілді.

Жарысқа қалалық және аудандық турнирлерінің жеңімпаздары және жүлдегерлері, барлығы – 27 спортшы қатысты.

1 орын – Махамбетов Арман – Екібастұз қ., 1992 ж.т., 500 000 теңге

2 орын – Сәлменов Серік – Екібастұз қ., 1993 ж.т., 300 000 теңге

3 орын – Нүрпеисов Әділет – Екібастұз қ., 1985 ж.т,. 100 000 теңге

2018 жылғы 1 шілдеде Астана қаласында Қазақстан Республикасы Президентінің жүлдесі үшін қазақ күресінен «ҚАЗАҚСТАН БАРЫСЫ» республикалық турнирде Павлодар облысының намысын облыстық біріншіліктің жеңімпазы және финалисті қорғайды

Самбо күресі бойынша облыстық турнирі өтті

2018 жылғы 7-9 мамыр аралығында «Баянтау» Спорт сарайының спорт залында 2002-2003 ж.т. Жеңіс күніне арналған жасөспірімдер арасында самбо бойынша облыстық турнирі өтті, жарыстарға Баянауыл ауданынан, балалар-жастар орталығынан, «Батыр» БЖСМ-нен, Павлодар қ. №1 БЖСМ-нен 59 спортшы қатысты. Турнир жеңімпаздары:

— 42 келі — М. Агвай (БЖО);

— 46 келі – О. Мұқит (Баянауыл ауданы);

— 50 келі – А. Жеңіс (Баянауыл ауданы);

— 55 келі – Р. Жұмабеков (№1 БЖСМ);

— 60 келі — Е. Жиенбай (№1 БЖСМ);

— 66 келі – И. Қайрат (№1 БЖСМ);

— 72 келі – Д. Журкин (№1 БЖСМ);

— 78 келі – Б. Бәкір (№1 БЖСМ);

— 84 келі — А. Русанов (№1 БЖСМ);

— 84 келіден астам – А. Абдрашит (№1 БЖСМ).

[showyamap coordinates="52.276312,76.952515"]
Accessibility